ព័ត៌មានទូទៅ

ព្រឹកថ្ងៃទី១៦ ខែតុលា ឆ្នាំ២០២៤ លោក សាមុត សុធារិទ្ធ អភិបាលរងខេត្តព្រះសីហនុ បានដឹកនាំកិច្ចប្រជុំពិភាក្សា និងណែនាំពាក់ព័ន្ធការរៀបចំសណ្តាប់ធ្នាប់ចរាចរណ៍ផ្លូវគោក តាមបណ្តោយ ផ្លូវជាតិលេខ៤ និងផ្លូវលេខ៧០០ ក្នុងភូមិសាស្ត្រសង្កាត់លេខ១ និងសង្កាត់លេខ៣ ក្រុងព្រះសីហនុ ខេត្តព្រះសីហនុ។

ព្រឹកថ្ងៃទី១៦ ខែតុលា ឆ្នាំ២០២៤ ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ បានដឹកនាំកិច្ចប្រជុំស្តាប់បទបង្ហាញរបស់សហព័ន្ធកីឡាយានយន្តកម្ពុជា ស្តីពីការប្រណាំងរថយន្តលើផ្លូវឧបសគ្គ (OFF ROAD) អន្តរជាតិ ២០២៤ ដើម្បីជំរុញវិស័យទេសចរណ៍ខេត្តព្រះសីហនុ ដោយមានការចូលរួមពីលោកនាយករដ្ឋបាលសាលាខេត្ត ប្រធានមន្ទីរ អង្គភាពពាក់ព័ន្ធ និងតំណាងក្រុមហ៊ុន។

ព្រឹកថ្ងៃទី១៦ ខែតុលា ឆ្នាំ២០២៤ លោក មីន កុម្ភៈ អភិបាលរងខេត្តព្រះសីហនុ បានដឹកនាំកិច្ចប្រជុំការពង្រឹងការអនុវត្តគម្រោងមូលនិធិឃុំ សង្កាត់ក្នុងខេត្តព្រះសីហនុ ដោយមានការអញ្ជើញចូលរួមមានតំណាងមន្ទីរសាធារណការ និងដឹកជញ្ជូនខេត្ត មន្ទីរសេដ្ឋកិច្ច និងហិរញ្ញវត្ថុខេត្ត រតនាគារខេត្ត លោកនាយកទីចាត់ការផែនការ និងវិនិយោគខេត្ត លោកនាយករងទីចាត់ការហិរញ្ញវត្ថុខេត្ត មន្ត្រីបច្ចេកទេសគាំទ្រឃុំ សង្កាត់ លោក លោកស្រីមេឃុំ ចៅសង្កាត់ ស្មៀនឃុំ សង្កាត់ ជំនួយការហិរញ្ញវត្ថុឃុំ សង្កាត់ និងអ្នកទទួលការក្នុងខេត្តព្រះសីហនុផងដែរ។

ព្រឹកថ្ងៃទី១៦ ខែតុលា ឆ្នាំ២០២៤ ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ បានអញ្ជើញស្តាប់បទបង្ហាញស្តីពីការរៀបចំសួនច្បារសន្តិភាព នៅឆ្នេរអូរត្រេះ១ របស់ក្រុមហ៊ុន ស្តារបាកស៍ កាហ្វេ ដោយមានការចូលរួមពីលោកនាយករដ្ឋបាលសាលាខេត្ត លោកអភិបាលក្រុងព្រះសីហនុ ប្រធានមន្ទីរ និងតំណាងក្រុមហ៊ុន។

ព្រឹកថ្ងៃទី១៥ ខែតុលា ឆ្នាំ២០២៤ រដ្ឋបាលខេត្តព្រះសីហនុ បានរៀបចំពិធីគោរពព្រះវិញ្ញាណក្ខន្ធ ព្រះករុណា ព្រះបាទសម្តេច ព្រះនរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យ បូរណភាពទឹកដី និងឯកភាពជាតិខ្មែរ ព្រះបរមរតនកោដ្ឋ គម្រប់ខួប១២ឆ្នាំ នៅវេទិការបុណ្យជាតិ ៧មករា ស្ថិតនៅសង្កាត់លេខ៣ ក្រុងព្រះសីហនុ ក្រោមអធិបតីភាពឯកឧត្តម វង្ស ផាណាត ប្រធានក្រុមប្រឹក្សា និងលោក ឯម ភាព អភិបាលរងខេត្តព្រះសីហនុ

ថ្ងៃទី១៤ ខែតុលា ឆ្នាំ២០២៤ ក្រុមការងារជំរុញការវិនិយោគក្នុងខេត្តព្រះសីហនុ បានចុះត្រួតពិនិត្យគម្រោងវិនិយោគស្នើសុំការលើកទឹកចិត្តចំនួន២២គម្រោងបន្ថែមទៀត។ គិតត្រឹមថ្ងៃទី១៤ ខែតុលា ឆ្នាំ២០២៤នេះ ក្រុមការងារជំរុញការវិនិយោគ ទទួលបានសំណើសុំការលើកទឹកចិត្តចំនួន ១៧៣គម្រោង ក្នុងនោះគម្រោងដែលទទួលបាន «លិខិតអនុញ្ញាតជាគោលការណ៍» មានចំនួន ១៣៩គម្រោងហើយ។

នៅព្រឹកថ្ងៃទី១៣ ខែតុលា ឆ្នាំ២០២៤ ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ បានអញ្ជើញដឹកនាំមន្ទីរអង្គភាពជំនាញពាក់ព័ន្ធ និងអាជ្ញាធរស្រុកព្រៃនប់ ចុះពិនិត្យការសម្អាត អនាម័យបរិស្ថាន នៅរង្វង់មូលព្រះថោងនាងនាគ មានទីតាំងស្ថិតនៅឃុំបិតត្រាំង ស្រុកព្រៃនប់ ខេត្តព្រះសីហនុ។

នៅព្រឹកថ្ងៃទី១២ ខែតុលា ឆ្នាំ២០២៤ ឯកឧត្តម សុខ គាង រដ្ឋលេខាធិការក្រសួងរៀបចំដែនដីនគរូបនីយកម្ម និងសំណង់ និងឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ បានអញ្ជើញដឹកនាំមន្ត្រីបច្ចេកទេសចុះពិនិត្យការឈូសឆាយកាយព្រំ ធ្វើផ្លូវ ដើម្បីធ្វើការសាងសង់ពហុកីឡាជាតិខេត្តព្រះសីហនុ មានផ្ទៃដីសរុប ៣៣ហិកតា មានទីតាំងស្ថិតនៅឃុំបិតត្រាំង ស្រុកព្រៃនប់ ខេត្តព្រះសីហនុ។

ពិធីរត់ភ្លេីងគប់ការប្រកួតកីឡាជាតិលេីកទី៤​ និងកីឡាជាតិជនពិការលេីកទី២​ ឆ្នាំ២០២៤​ #ក្រុងព្រះសីហនុ​ #ខេត្តព្រះសីហនុ ភ្លើងគប់កីឡាជាតិ និងកីឡាជាតិជនពិការ ឆ្នាំនេះធ្វើឡើងក្រោមមូលបទ “កីឡាជាតិដើម្បីព្រែកជីកហ្វូណនតេជោ” ដោយមានខ្លឹមសារសំខាន់ៗដូចជា “កីឡារស់ក្នុងសន្តិភាព” “ប្រជាជនម្នាក់លេងកីឡា១ប្រភេទសម្រាប់ជីវិត” កីឡាគ្មានគ្រឿងញៀន គ្មានផ្សែងបារី “កីឡាបៃតង កីឡាស្អាតស្អំ” និង កីឡាគ្មានសារធាតុដូប៉ា-ដូភីង”។ #កីឡារស់ក្នុងសន្តិភាព #កីឡាដើម្បីសុខភាព #ប្រជាជនម្នាក់ជាកីឡាករមួយរូប