ព័ត៌មានទូទៅ

ថ្ងៃទី២៧ ខែវិច្ឆិកា ឆ្នាំ២០២៣ លោក ម៉ាង ស៉ីណេត អភិបាលរងខេត្តព្រះសីហនុ តំណាងឯកឧត្តម គួច ចំរើន អភិបាលខេត្តព្រះសីហនុបានទទួលជួបសម្តែងការគួរសម ជាមួយលោកវរនាវីទោ Roman Mokhov មេបញ្ជាការនាវាកងទ័ពជើងទឹករុស្សី ឈ្មោះ Admiral Panteleev ដែលបានចូលចតនៅកំពង់ផែស្វយ័តក្រុងព្រះសីហនុ កាលពីវេលាម៉ោង ៩ និង ៣០នាទីព្រឹក និងចាក់ចេញទៅវិញនៅថ្ងៃទី២៩ ខែវិច្ឆិកា ឆ្នាំ២០២៣ ខាងមុខនេះ។

ស្វាគមន៍ ដំណើរកម្សាន្តរបស់បងប្អូនប្រជាពលរដ្ឋ ភ្ញៀវទេសចរជាតិនិងភ្ញៀវទេសចរអន្តរជាតិ មកកាន់ខេត្តព្រះសីហនុ ក្នុងឱកាសព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក សូមបងប្អូនប្រជាពលរដ្ឋ ភ្ញៀវទេសចរជាតិ និងភ្ញៀវទេសចរអន្តរជាតិធ្វើដំណើរកម្សាន្តតាមតំបន់ទេសចរណ៍នានា ដោយសប្បាយរីករាយ ជាមួយនឹងស្នាមញញឹម។

លទ្ធផលនៃ ជំនួបទាំង២ជើង រវាងទូក ង «ព្រះសីហនុសែនជ័យ បារមីជំទាវម៉ៅ» របស់ខេត្តព្រះសីហនុ និង«កំសាន្តជលសារ» របស់រាជធានីភ្នំពេញ ក្នុងថ្ងៃទី១ នៃព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំ២០២៣ -ជើងទី១ «ព្រះសីហនុសែនជ័យ បារមីជំទាវម៉ៅ» ទទួលបានជ័យជំនះ -ជើងទី២ «កំសាន្តជលសារ» ទទួលបានជ័យជំនះ។

អបអរសាទរកម្ពុជា ត្រូវបានអង្គសន្និសីទរដ្ឋភាគីលើកទី២១ នៃអនុសញ្ញាស្តីពីការហាមការប្រើប្រាស់មីនប្រឆាំងមនុស្ស(អនុសញ្ញាអូតាវ៉ា) នៅទីក្រុងហ្សឺណែវ ប្រទេសស្វីស ថ្ងៃទី២៤ ខែវិច្ឆិកា ឆ្នាំ២០២៣ បោះឆ្នោតជ្រើសតាំងជាប្រធាន និងជាម្ចាស់ផ្ទះរៀបចំកិច្ចប្រជុំត្រួតពិនិត្យឡើងវិញលើកទី៥ ឆ្នាំ២០២៤ ដែលកម្ពុជាប្រសិទ្ធនាមជា “កិច្ចប្រជុំកំពូលសៀមរាប-អង្គរ ស្តីពីពិភពលោកមួយដែលគ្មានមីន”។

ព្រឹកថ្ងៃទី២៥ ខែវិច្ឆិកា ឆ្នាំ២០២៣ លោក ឡុង ឌីម៉ង់ អភិបាលរង នៃគណ:អភិបាលខេត្តព្រះសីហនុ និងជាប្រធានក្រុមការងារដឹកនាំកីឡាករចំណុះទូក ង «ព្រះសីហនុសែនជ័យបារមីជំទាវម៉ៅ» របស់ខេត្តព្រះសីហនុ បានអញ្ជើញជួបសំណេះសំណាលជាមួយកីឡាករចំណុះឱ្យទូក នៅទីតាំងស្នាក់អាស្រ័យបណ្តោះអាសន្នរបស់កីឡាករចំណុះទូក ក្នុងបរិយាសស្និតស្នាល និងរីករាយ។

អ្នកគ្រប់គ្រងនាវាទេសចរណ៍ បានសម្តែងការដឹងគុណ និងកោតសរសើរ រដ្ឋបាលខេត្តព្រះសីហនុ ចំពោះការយកចិត្តទុកដាក់ពីសុវត្ថិភាពរបស់ភ្ញៀវទេសចរណ៍ យោងតាមប្រសាសន៍ លោក Chaiyapruk Phum Muang នាយកគ្រប់គ្រងក្រុមហ៊ុន Angkor T.K Travel & Tours និងជាទីប្រឹក្សាក្រសួងទេសចរណ៍ ទទួលបន្ទុករៀបចំនាវាទេសចរណ៍ បានធ្វើការចែករំលែក ពី Feedback(មតិកែលម្អ)ដែលយើងបានទទួលពីនាវាទេសចរណ៍ដែលចូលសំចតនៅខេត្តព្រះសីហនុ

ព្រឹកថ្ងៃទី២៤ ខែវិច្ឆិកា ឆ្នាំ២០២៣ ឯកឧត្តម យិន ប៊ុនណាត សមាជិកក្រុមប្រឹក្សាខេត្ត និងលោក គង់ វិតាណៈ អភិបាលរងខេត្តព្រះសីហនុ អញ្ជើញបើកវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តព្រះសីហនុ អាណត្តិទី៣ ឆ្នាំ២០២៣ នៅក្រុងកោះរ៉ុង ខេត្តព្រះសីហនុ ដោយមានការចូលរួមពីឯកឧត្តម សមាជិកក្រុមប្រឹក្សាខេត្ត លោកនាយករងរដ្ឋបាលខេត្ត លោកអភិបាលក្រុង លោក លោកស្រីជា ចៅសង្កាត់ សមាជិក សមាជិកាក្រុមប្រឹក្សាសង្កាត់ និងប្រជាពលរដ្ឋ។

ព្រឹកថ្ងៃទី២៤ ខែវិច្ឆិកា ឆ្នាំ២០២៣ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ និងជាប្រធានគណៈបញ្ជាការឯកភាពរដ្ឋបាលខេត្តព្រះសីហនុ អញ្ជើញបើកក្នុងកិច្ចប្រជុំពង្រឹងយន្តការដើម្បីថែរក្សាសន្តិសុខ សុវត្ថិភាព ព្រមទាំងបង្ក្រាបបទល្មើសព្រហ្មទណ្ឌនានា និងបទល្មើសតាមប្រព័ន្ធបច្ចេកវិទ្យា ដែលកើតក្នុងភូមិសាស្ត្រខេត្តព្រះសីហនុ ខេត្តព្រះសីហនុ។

រដ្ឋបាលខេត្តព្រះសីហនុ សូមថ្លែងអំណរគុណយ៉ាងជ្រាលជ្រៅជូនចំពោះ ឧកញ៉ា តាន់ តាត់ ប្រធានសភាពាណិជ្ជកម្មខេត្តព្រះសីហនុ និងសហការី ដែលបានឧបត្ថម្ភថវិកាចំនួន ៨.០០០.០០០ រៀល សម្រាប់ឧបត្ថម្ភ ទូក ង “ព្រះសីហនុសែនជ័យបារមីជំទាវម៉ៅ» ចូលរួមប្រកួតក្នុងព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក នៅរាជធានីភ្នំពេញ ថ្ងៃទី២៦-២៧-២៨ ខែវិច្ឆិកា ឆ្នាំ២០២៣។

ព្រឹកថ្ងៃទី២៤ ខែវិច្ឆិកា ឆ្នាំ២០២៣ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ អញ្ជើញបើកកញ្ចប់លទ្ធផលវញ្ញាសារប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២២-២០២៣ នៅសាលប្រជុំសាលាខេត្តព្រះសីហនុ ដោយមានការចូលរួមពីលោកអភិបាលក្រុង ស្រុក លោក លោកស្រីជានាយក នាយិកា នៃវិទ្យាល័យក្នុងខេត្តព្រះសីហនុ។