ព័ត៌មានទូទៅ

ព្រឹកថ្ងៃទី១៦ ខែមេសា ឆ្នាំ២០២៤ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ និងលោកជំទាវ អញ្ជើញសំណេះសំណាលជាមួយក្រុមសម្អាតតាមឆ្នេរសមុទ្រ ក្រុមឆ្មាំសមុទ្រ និងបាននាំយកអំណោយរបស់សម្តេចតេជោ និងសម្តេចកិត្តិព្រឹទ្ធបណ្ឌិត ជូនដល់ក្រុមសម្អាតតាមឆ្នេរសមុទ្រ ក្រុមឆ្មាំសមុទ្រ ក្នុងមួយនាក់ៗ ទទួលបានថវិកា ១០០,០០០រៀល។

ព្រឹកថ្ងៃទី១៦ ខែមេសា ឆ្នាំ២០២៤ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ និងលោកជំទាវ អញ្ជើញសំណេះសំណាលជាមួយអង្គភាព និងក្រុមការងារពន្លត់អគ្គិភ័យ ប្រចាំការបុណ្យចូលឆ្នាំប្រពៃណីជាតិ។ ក្នុងឱកាសនោះឯកឧត្តម អភិបាលខេត្ត បាននាំយកអំណោយ ដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា និងលោកជំទាវ ជូនដល់អង្គភាព និងក្រុមការងារពន្លត់អគ្គិភ័យ ក្នុងមួយអង្គភាពទទួលបាន ៖

ព្រឹកថ្ងៃទី១៥ ខែមេសា ឆ្នាំ២០២៤ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ និងលោកជំទាវ អញ្ជើញសំណេះសំណាលជាមួយជនអាណាថាគ្មានទីពឹង នៅមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្ត។ ក្នុងឱកាសនោះ ឯកឧត្តម អភិបាលខេត្ត បានឧបត្ថម្ភថវិកា និងនំកញ្ចប់ ដល់ជនអាណាថាគ្មានទីពឹង ចំនួន៣៣ នាក់ ក្នុងមួយនាក់ ១០ម៉ឺនរៀល។

សូមជម្រាបជូនថា រដ្ឋបាលខេត្តព្រះសីហនុ បានធ្វើការជូនដំណឹងអំពីទីតាំង និងកាលវិភាគនៃការរៀបចំកម្មវិធីកំសាន្តសប្បាយ ក៏ដូចជាបង្ហាញខ្សែផ្លូវដែលមានការកក់ស្ទះចរាចរណ៍ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ នៅក្នុងខេត្តព្រះសីហនុជាបន្តបន្ទាប់ លើផេកផ្លូវការរបស់រដ្ឋបាលខេត្ត និងសារព័ត៌មានជាច្រើនទៀត។

នៅយប់ថ្ងៃទី១៣ ខែមេសា ឆ្នាំ២០២៤ រដ្ឋបាលខេត្តព្រះសីហនុ បានប្រារព្ធពិធីទទួលទេវតាឆ្នាំថ្មី ព្រះនាម មហោទរាទេវី ឆ្នាំរោង ឆស័ក ព.ស ២៥៦៨ គស ២០២៤ ស្ថិតនៅទីលានតេជោ ភូមិ៤ សង្កាត់លេខ៤ ក្រុងព្រះសីហនុ ក្រោមអធិបតីភាព ឯកឧត្តម វង្ស ផាណាត ប្រធានក្រុមប្រឹក្សាខេត្តព្រះសីហនុ និងលោកជំទាវ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ និងលោកជំទាវ ដោយមានការចូលរួមពី ឯកឧត្តម លោកជំទាវ សមាជិក សមាជិកា ក្រុមប្រឹក្សាខេត្ត លោក លោកស្រីអភិបាលរងខេត្ត មន្រ្តីរាជការ កងកម្លាំងប្រដាប់អាវុធ និងប្រជាពលរដ្ឋយ៉ាងច្រើនកុះករ។

នារសៀលថ្ងៃទី១៣ ខែមេសា ឆ្នាំ២០២៤ ឯកឧត្តម វង្ស ផាណាត ប្រធានក្រុមប្រឹក្សាខេត្តព្រះសីហនុ និងលោកជំទាវ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ និងលោកជំទាវ បានអញ្ជើញចូលរួមក្នុងពិធីចម្រើនព្រះបរិត្ត ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ឆ្នាំរោង ឆស័ក ព.ស ២៥៦៧ ដោយមានការចូលរួមពី ឯកឧត្តម លោកជំទាវ សមាជិក សមាជិកា ក្រុមប្រឹក្សាខេត្ត លោក លោកស្រីអភិបាលរងខេត្ត ប្រធានមន្ទីរអង្គភាពពាក់ជុំវិញខេត្ត។