ព័ត៌មានទូទៅ

ព្រឹកថ្ងៃទី២ ខែមករា ឆ្នាំ២០២៥ ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ អញ្ជើញចុះពិនិត្យវឌ្ឍន៍ភាព នៃគម្រោងសាងសង់របស់ក្រុមហ៊ុន PENINSULA BAY INVESTMENT CO.,LTD មានទីតាំងស្ថិតនៅសង្កាត់លេខ៤ ក្រុងព្រះសីហនុ ខេត្តព្រះសីហនុ។ ក្នុងឱកាសដឹកនាំមន្ត្រីបច្ចេកទេសចុះពិនិត្យពិនិត្យវឌ្ឍន៍ភាព នៃគម្រោងសាងសង់របស់ក្រុមហ៊ុន PENINSULA BAY INVESTMENT CO.,LTD

នៅព្រឹកថ្ងៃទី២ ខែមករា ឆ្នាំ២០២៥ ឯកឧត្តម​ ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ បានចុះត្រួតពិនិត្យវឌ្ឍនភាពនៃការសាងសង់គម្រោងរបស់ក្រុមហ៊ុន PENINSULA BAY INVESTMENT CO., LTD ដែលមានទីតាំងស្ថិតនៅទីលានតេជោ(ពយតាមូង) ក្រុងព្រះសីហនុ។

នារសៀលថ្ងៃទី៣០ ខែធ្នូ ឆ្នាំ២០២៤ លោក ហែម ដារិទ្ធិ អភិបាលរងខេត្ត និងលោក នៃ គង់ អភិបាលរងខេត្តព្រះសីហនុ បានដឹកនាំមន្ទីរអង្គភាពជំនាញពាក់ព័ន្ធចុះពិនិត្យស្ថានភាពការលក់ដូរមុខទំនិញ ម្ហូបអាហារ របស់អាជីវករផ្សារលើ និងបងប្អូនអាជីវករនៅតាមបណ្ដោយឆ្នេរសមុទ្រ ដើម្បីពង្រឹងគុណភាព អនាម័យ សុវត្ថិភាពចំណីអាហារ និងតម្លៃកុំឱ្យឡើងថ្ងៃ ក្នុងឱកាសនៃពិធីបុណ្យឆ្លងឆ្នាំសកលខាងមុខនេះ សូមកុំឱ្យមានការតម្លើងតម្លៃខ្ពស់ដែលធ្វើឱ្យប៉ះពាល់ដល់ភ្ញៀវទេសចរណ៍ជាតិអន្តរជាតិដែលមកលេងកម្សាន្តក្នុងឱកាសនៃពិធីបុណ្យឆ្លងឆ្នាំសកលនេះ។

ព្រឹកថ្ងៃទី៣១ ខែធ្នូ ឆ្នាំ២០២៤ ពិធីប្រកាសចូលកាន់មុខតំណែងអភិបាលរង នៃគណៈអភិបាលស្រុកស្ទឹងហាវ ខេត្តព្រះសីហនុ ក្រោមអធិបតីភាព លោក សុខ ភា អភិបាលរងខេត្តព្រះសីហនុ។ តាមប្រកាស ស្តីពីតែងតាំងមន្ត្រីរាជការក្រសួងមហាផ្ទៃលេខ ៧៣៤៥ប្រក សម្រេចតែងតាំងលោក ធឿន សុធិន ឋានន្តរសក្តិនាយក្រមការថ្នាក់លេខ៦ ឱ្យកាន់មុខតំណែងជាអភិបាលរង នៃគណៈអភិបាលស្រុកស្ទឹងហាវ ខេត្តព្រះសីហនុ។

នារសៀលថ្ងៃទី៣០ ខែធ្នូ ឆ្នាំ២០២៤ ឯកឧត្តម វង្ស ផាណាត ប្រធានក្រុមប្រឹក្សាខេត្តព្រះសីហនុ និងឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ បានអញ្ជើញដឹកនាំកិច្ចប្រជុំវិសាមញ្ញលើកទី៤ របស់ក្រុមប្រឹក្សាខេត្តព្រះសីហនុ អាណត្តិទី៤ ដោយមានការអញ្ជើញចូលរួមពីឯកឧត្តម លោកជំទាវ សមាជិក សមាជិកាក្រុមប្រឹក្សាខេត្ត លោក លោកស្រីអភិបាលរងខេត្ត នាយករងរដ្ឋបាលខេត្ត ប្រធានមន្ទីរ អង្គភាព ជំនាញពាក់ព័ន្ធ និងទីចាត់ការ-អង្គភាព ការិយាល័យចំណុះសាលាខេត្តព្រះសីហនុ។