ព័ត៌មានទូទៅ

នៅព្រឹកថ្ងៃអង្គារ ១កើត ខែស្រាពណ៌ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី២១ ខែកក្កដា ឆ្នាំ២០២០ រដ្ឋបាលខេត្តព្រះសីហនុមានកិច្ចប្រជុំដោះស្រាយករណីឈ្មោះ អឹុង គីមយូ ប្តឹងឈ្មោះ HA YAJIA ឈ្មោះហៅក្រៅ LOR HAN ភេទប្រុស ជនជាតិចិនជាអ្នកកាយដី

នៅរសៀលថ្ងៃចន្ទ ១៥រោច ខែអាសាឍ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី២០ ខែកក្កដា ឆ្នាំ២០២០ រដ្ឋបាលខេត្តព្រះសីហនុបានបើកកិច្ចប្រជុំស្តីពី ការបោះបង្គោលកំណត់ព្រំទីលានចាក់សំរាម និងស្តាប់បទបង្ហាញស្តីពីអនុគម្រោងសាងសង់ទីលានចាក់សំរាមខេត្តព្រះសីហនុ

ព្រឹកថ្ងៃចន្ទ ១៥ រោច ខែអាសាឍ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី២០ ខែកក្កដា ឆ្នាំ២០២០ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានអញ្ជើញសាកសួរសុខទុក្ខ លោក ងូ សុមុនី មន្ត្រីព័ត៌មានខេត្ត ដែលបានជួបគ្រោះថ្នាក់ចរាចរណ៍ កាលពីថ្ងៃទី១៨ ខែកក្កដា

នៅព្រឹកថ្ងៃចន្ទ ១៥រោច ខែអាសាឍ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី២០ ខែកក្កដា ឆ្នាំ២០២០ ឯកឧត្តម គួច ចំរើន អភិបាល នៃគណ:អភិបាលខេត្តព្រះសីហនុ បានដឹកនាំកិច្ចប្រជុំ ស្តីពីការពិនិត្យ និងសម្រេចប្លង់បណ្តាញហេដ្ឋារចនាសម្ព័ន្ធផ្លូវ ស្ថិតនៅសង្កាត់លេខ១ និង សង្កាត់លេខ៤ ក្រុងព្រះសីហនុ និង ឃុំបិតត្រាំង ស្រុកព្រៃនប់ ខេត្តព្រះសីហនុ ដោយមានការចូលរួមពី លោកអភិបាលរងខេត្ត នាយករដ្ឋបាលសាលាខេត្ត អភិបាលក្រុង ស្រុក មន្ទីរ អង្គភាពពាក់ព័ន្ធ និង ឃុំសង្កាត់ផងដែរ។

នៅរសៀលថ្ងៃអាទិត្យ ១៤រោច ខែអាសាឍ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី១៩ ខែកក្កដា ឆ្នាំ២០២០ ឯកឧត្តម គួច ចំរើន អភិបាល នៃគណ:អភិបាលខេត្តព្រះសីហនុ បានអញ្ជើញជួបសំណេះសំណាលជាមួយបងប្អូនអនាម័យឆ្នេរចំនួន២៣នាក់ និងឆ្មាំសមុទ្រចំនួន១៩ នាក់ ។

នៅព្រឹកថ្ងៃអាទិត្យ ១៤រោច ខែអាសាឍ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី១៩ ខែកក្កដា ឆ្នាំ២០២០ ឯកឧត្តម គួច ចំរើន អភិបាល នៃគណ:អភិបាលខេត្តព្រះសីហនុ បានអញ្ជើញជួបសំណេះសំណាលជាមួយបងប្អូនប្រជាការពារស្រុកព្រៃនប់ចំនួន ៣០៣នាក់។

ព្រឹកថ្ងៃទី ១៩ ខែកក្កដា ឆ្នាំ២០២០ ឯកឧត្ដម គួច ចំរើន ប្រធានគណៈកម្មាធិការសាខាកាកបាទក្រហម និងសមាជិកសមាជិកាសាខា បាននាំយកអំណោយមនុស្សធម៌របស់សាខាកាកបាទក្រហមខេត្ត ចែកជូនប្រជាពលរដ្ឋចំនួន ៨៦៥ គ្រួសារ នៅក្នុងស្រុកព្រៃនប់ ដោយក្នុងមួយគ្រួសារទទួលបាន៖

នៅរសៀលថ្ងៃសៅរ៍ ១៣រោច ខែអាសាឍ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី១៨ ខែកក្កដា ឆ្នាំ២០២០ ឯកឧត្តម គួច ចំរើន អភិបាល នៃគណ:អភិបាលខេត្តព្រះសីហនុ បានអញ្ជើញជួបសំណេះសំណាលជាមួយបងប្អូនជាបុគ្គលិកសម្អាតអានាម័យក្រុងចំនួន២៥ នាក់និងប្រជាការពារក្នុងក្រុងព្រះសីហនុចំនួន ៤១១នាក់ នៅសាលាក្រុងព្រះសីហនុ។

នៅយប់ថ្ងៃសុក្រ ១២រោច ខែអាសាឍ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី១៧ ខែកក្កដា​ ឆ្នាំ​២០២០​ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានអញ្ជើញអមដំណេីរឯកឧត្ដម ជា​ សុផារ៉ា​ ឧបនាយករដ្ឋមន្ត្រី​ រដ្ឋមន្ត្រីក្រសួងរៀបចំដែនដី​ នគរបនីយកម្ម​ និងសំណង់​ និងជាប្រធានគណៈកម្មាធិការជាតិគ្រប់គ្រងនិងអភិវឌ្ឍតំបន់ឆ្នេរសមុទ្រកម្ពុជា​ ឯកឧត្ដម​ ថោង​ ខុន រដ្ឋមន្ត្រី​ក្រសួង​ទេសចរ​ណ៍ និង​ជាអនុប្រធានអចិន្ត្រៃយ៍​ គ.អ.ឆ.ក និង​ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន និងជាអនុប្រធាន គ.អ.ឆ.ក ពិនិត្យ​ការបេីកបំភ្លឺភ្លេីងសាធារណៈ​ ស្ថិតនៅតាមបណ្តោយផ្លូវមហាវិថីរាម។            

ថ្ងៃសុក្រ ១២ រោច ខែអាសាឍ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី១៧ ខែកក្កដា ឆ្នាំ២០២០ ពិធីសំណេះសំណាលជាមួយថ្នាក់ដឹកនាំ មន្ត្រីរាជការនៃមន្ទីររៀបចំដែនដី នគរូបនីយកម្ម សំណង់ និងសុរិយោដី រាជធានីភ្នំពេញ ដែលបានមកចូលរួមវាស់វែងក្នុងគម្រោងស្ថាបនាហេដ្ឋារចនាសម្ព័ន្ធផ្លូវក្រុងចំនួន ៣៤ ខ្សែក្នុងខេត្តព្រះសីហនុ នាសាលប្រជុំធំ សាលាខេត្តព្រះសីហនុ ក្រោមអធិបតីភាពឯកឧត្តម យស់ ឆោមណារ៉ាឌី អនុរដ្ឋលេខាធិការក្រសួងដែនដី នគរូបនីយកម្ម និងសំណង់ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ ដោយមានការចូលរួមពីអភិបាលរងខេត្ត ប្រធានមន្ទីរខេត្តព្រះសីហនុ និងប្រតិភូមន្ទីររៀបចំដែនដីរាជធានីភ្នំពេញមកទស្សនកិច្ចសិក្សាការស្ថាបនាហេដ្ឋារចនាសម្ព័ន្ធផ្លូវក្រុង ៣៤ខ្សែ ខេត្តព្រះសីហនុ ។