ព័ត៌មានទូទៅ

ព្រឹកថ្ងៃទី១៣ ខែកុម្ភៈ ឆ្នាំ២០២៥ លោក សាមុត សុធារិទ្ធ អភិបាលខេត្តស្តីទី បានអញ្ជើញទទួលជួបសវនាការជាមួយគណៈកម្មាការទី៣ព្រឹទ្ធសភា ដឹកនាំដោយ ឯកឧត្តមបណ្ឌិត ម៉ុង ឬទ្ធី ប្រធានគណៈកម្មការ ដើម្បីសិក្សាឈ្វេងយល់ និងប្រមូលព័ត៌មានដែលពាក់ព័ន្ធនឹងវិស័យជាសមត្ថកិច្ចរបស់គណៈកម្មការ ដូចខាងក្រោម៖

នៅល្ងាចថ្ងៃទី១២ ខែកុម្ភៈ ឆ្នាំ២០២៥ ដោយមានការយកចិត្តទុកដាក់ខ្ពស់ចំពោះសុខទុក្ខប្រជាពលរដ្ឋពីសំណាក់ឯកឧត្តម ម៉ាង សុីណេត ប្រធានគណៈកម្មាធិការសាខា បានចាត់ឱ្យលោក សាមុត សុធារិទ្ធ អនុប្រធានគណៈកម្មាធិការសាខាខេត្ត លោកស្រី វាល់ ច័ន្ទវលក្ខណ៍ អនុប្រធានគណៈកម្មាធិការអនុសាខាស្រុកព្រៃនប់ មន្ត្រីសាខា មន្ត្រីអនុសាខា និងអ្នកស្ម័គ្រចិត្ត បាននាំយកអំណោយមនុស្សធម៌របស់កាកបាទក្រហមខេត្ត ចែកជូនដល់ប្រជាពលរដ្ឋចំនួន ១៤គ្រួសារ ដែលរងគ្រោះដោយសារអគ្គិភ័យឆេះផ្ទះ ក្នុងមួយគ្រួសាររងគ្រោះឆេះអស់ទាំងស្រុង ស្ថិតនៅក្នុងភូមិត្រពាំងមូល ឃុំជើងគោ ស្រុកព្រៃនប់ ខេត្តព្រះសីហនុ។

នៅថ្ងៃទី១២ ខែកុម្ភៈ ឆ្នាំ២០២៥ លោក មីន កុម្ភៈ អភិបាលរង នៃគណៈអភិបាលខេត្តព្រះសីហនុ បានដឹកនាំក្រុមការងារចុះពិនិត្យ និងសិក្សាគម្រោងអាទិភាពឆ្នាំ២០២៥ ដែលប្រើប្រាស់ថវិកាមូលនិធិសង្កាត់ ក្នុងភូមិសាស្ត្រក្រុងព្រះសីហនុ ខេត្តព្រះសីហនុ។

នៅរសៀលថ្ងៃទី១១ ខែកុម្ភៈ ឆ្នាំ២០២៥ ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ បានអញ្ជើញដឹកនាំកិច្ចប្រជុំពិនិត្យវឌ្ឍនភាព និងចុះពិនិត្យទីតាំងគម្រោងសាងសង់ស្ថានីយបូមទឹកកខ្វក់ ចំនួន ០២ទីតាំង និងប្រព័ន្ធទុយោទឹកកខ្វក់ ស្ថិតនៅសង្កាត់លេខ១ ក្រុងព្រះសីហនុ ខេត្តព្រះសីហនុ។

នៅព្រឹកថ្ងៃទី១១ ខែកុម្ភៈ ឆ្នាំ២០២៥ ឯកឧត្តម ម៉ាង សុីណេត ប្រធានគណៈកម្មាធិការសាខាកាកបាទក្រហមកម្ពុជា ខេត្តព្រះសីហនុ អញ្ជើញដឹកនាំសមាជិក សមាជិកាគណៈកម្មាធិការសាខា មន្រ្តីសាខា និងអ្នកស្ម័គ្រចិត្តសាខា អញ្ជើញសួរសុខទុក្ខលោកស្រី ចាប វណ្ណា ជាអ្នកស្ម័គ្រចិត្តសាខាកាកបាទក្រហម ដែលលោកស្រីមានជំងឺលើសឈាម និងទឹកនោមផ្អែម (កាត់ជើងម្ខាង) មានទីតាំងស្ថិតនៅភូមិ១ សង្កាត់លេខ៤ ក្រុង ខេត្តព្រះសីហនុ។

ព្រឹកថ្ងៃទី១១ ខែកុម្ភៈ ឆ្នាំ២០២៥ ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ អញ្ជើញសំណេះសំណាលជាមួយក្រុមការងារសម្អាតឆ្នេរសមុទ្រដែលបានចូលរួមសម្អាតប្រេងអណ្តែតលើទឹកសមុទ្រនៅឆ្នេរព្រែកត្រែង ដោយមានការចូលរួមពីលោកអភិបាលរងខេត្ត លោកអភិបាលក្រុងព្រះសីហនុ អភិបាលរងស្រុកស្ទឹងហាវ មន្ត្រីរាជការជុំវិញខេត្ត កងកម្លាំងប្រដាប់អាវុធ សប្បុរសជន និងក្រុមការងារសម្អាតឆ្នេរសមុទ្រព្រែកត្រែង។

នារសៀលថ្ងៃទី១០ ខែកុម្ភៈ ឆ្នាំ២០២៥ លោក សាមុត សុធារិទ្ធ អភិបាលរងខេត្ត បានអញ្ជើញសំណេះសំណាលជាមួយថ្នាក់ដឹកនាំសាលា និងបុគ្គលិកជាតិ-អន្តជាតិ ព្រមទាំងសិស្សានុសិស្សនៃសាលាប៉ាម៉ាអន្តរជាតិ និងបានពាំនាំមកនូវការជោគជ័យកម្រិតជាតិ-អន្តរជាតិលើការអប់រំ នៃសាលាប៉ាម៉ាអន្តរជាតិ។