ព័ត៌មានទូទៅ

កាលពីថ្ងៃទី៤ ខែតុលា ឆ្នាំ២០២២ លោក មីន កុម្ភៈ អភិបាលរងខេត្តព្រះសីហនុ បានអញ្ជើញចូលរួមចុះពិនិត្យលើទីតាំងជាក់ស្តែងករណីស្នើសុំវិនិយោគលើគម្រោងអភិវឌ្ឍន៍ទេសចរណ៍ផ្សារភ្ជាប់នឹងធម្មជាតិខ្នាតតូចចំនួន ៦គម្រោងស្ថិតក្នុងឧទ្យានជាតិសមុទ្រព្រះសីហនុ«រាម» ដែលដឹកនាំដោយឯកឧត្តម រ័ត្ន វិរៈ រដ្ឋលេខាធិការក្រសួងបរិស្ថាន ស្ថិតនៅឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ។

ព្រឹកថ្ងៃទី០៦ ខែតុលា ឆ្នាំ២០២២ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានអញ្ជើញចូលរួមក្នុងកិច្ចប្រជុំបច្ចេកទេសពិភាក្សាអំពីតំបន់អភិវឌ្ឍមជ្ឈមណ្ឌលទំនេីបកម្មមូលដ្ឋានសមុទ្ររាមកងទ័ពជេីងទឹក​ ស្ថិតនៅស្រុកព្រៃនប់​ ខេត្តព្រះសីហនុ​ ក្រោមអធិបតីភាព​ដ៏ខ្ពង់ខ្ពស់​ សម្តេច​ពិជ័យសេនា​ ទៀ​ បាញ់​ ឧបនាយករដ្ឋមន្ត្រី​ រដ្ឋមន្ត្រី​ក្រសួង​ការពារ​ជាតិ។  

ព្រឹកថ្ងៃទី​០៦​ ខែតុលា​ ឆ្នាំ២០២២​ លោក​ មីន​ កុម្ភៈ​ អភិបាលរង​ខេត្តព្រះសីហនុ​ បានអញ្ជើញអមដំណើរឯកឧត្តម​ ស៊ុយ​ សែម​ រដ្ឋមន្ត្រី​ក្រសួង​​ រ៉ែ​ និង​ថាមពល ចុះពិនិត្យនិងដាក់ឱ្យដំណេីរការម៉ាស៊ីនផលិតអគ្គិសនីដេីរដោយធ្យូងថ្ម​(កម្លាំង៣៥0kv) ជាការសាកល្បង​ របស់ក្រុមហ៊ុន​ ហ័រទាន​ ស្ថិតនៅភូមិ​២​ ឃុំកំពេញ​ ស្រុកស្ទឹងហាវ​ ខេត្តព្រះសីហនុ​​។

ព្រឹកថ្ងៃព្រហស្បតិ៍ ទី៦ ខែតុលា ឆ្នាំ២០២២ ឯកឧត្តម វង្ស ផាណាត ប្រធានក្រុមប្រឹក្សាខេត្តព្រះសីហនុ និងលោក អ៉ី សុខឡេង អភិបាលរងខេត្ត តំណាងឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ ដឹកនាំកិច្ចប្រជុំសាមញ្ញរបស់ក្រុមប្រឹក្សាខេត្តព្រះសីហនុ អាណត្តិទី៣ លើកទី៤០ ដោយមានការអញ្ជើញចូលរួមដោយផ្ទាល់ និងតាមប្រព័ន្ធវិដេអូ Zoom Meeting ពីឯកឧត្តម លោកជំទាវ សមាជិក សមាជិកា ក្រុមប្រឹក្សាខេត្ត លោក លោកស្រី អភិបាលរងខេត្ត លោកនាយក នាយករងរដ្ឋបាលខេត្ត ប្រធានមន្ទីរ អង្គភាព ជំនាញពាក់ព័ន្ធ នាយកទីចាត់ការ-អង្គភាព និងការិយាល័យចំណុះសាលាខេត្តព្រះសីហនុ។

ព្រឹកថ្ងៃពុធ ទី៥ ខែតុលា ឆ្នាំ២០២២ លោក គង់ វិតាណៈ អភិបាលរងខេត្តព្រះសីហនុ ដឹកនាំកិច្ចប្រជុំគណៈបញ្ជាការឯកភាពខេត្ត ផ្សព្វផ្សាយការងារមួយចំនួនមានដូចជា៖ ១.ផ្សព្វផ្សាយពីលទ្ធផលនៃកិច្ចប្រជុំគណៈកម្មាធិការប្រយុទ្ធប្រឆាំងគ្រឿងញៀន និងជំងឺអេដស៍ កាមរោគ ក្រសួងមហាផ្ទៃ។ ២.ផ្សព្វផ្សាយពីលទ្ធផលនៃកិច្ចប្រជុំ ស្តីពីផែនការការពារសន្តិសុខ សណ្តាប់ធ្នាប់ក្នុងឱកាសពីធីប្រកួតកីឡា SEA GAMES លើកទី៣២ និង ASEAN PARA GAMES លើកទី១២ ឆ្នាំ២០២៣ ដោយមានការចូលរួមពីលោកនាយករដ្ឋបាលសាលាខេត្ត អភិបាលក្រុង ស្រុក និងប្រធានមន្ទីរ អង្គភាពពាក់ព័ន្ធក្នុងខេត្តព្រះសីហនុ។

ព្រឹកថ្ងៃពុធ ទី៥ ខែតុលា ឆ្នាំ២០២២ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានអញ្ជើញទទួលអំណោយពីលោក ងន សាំង អគ្គនាយកក្រុមហ៊ុន អ អឹម អេ (ខេមបូឌា) ម.ក ដែលបានឧបត្ថម្ភធុងសំរាមចំនួន ២០០ធុង ជូនរដ្ឋបាលខេត្តព្រះសីហនុ សម្រាប់ប្រើប្រាស់ក្នុងការងារថែរក្សាអនាម័យ បរិស្ថានស្អាតក្នុងទីក្រុងព្រះសីហនុ ខេត្តព្រះសីហនុ។

រសៀលថ្ងៃចន្ទ ទី៤ ខែតុលា ឆ្នាំ២០២២ ឯកឧត្តម ប្រាក់ ស៊ីហារ៉ា សមាជិកក្រុមប្រឹក្សាខេត្ត និងលោក ឡុង ឌីម៉ង់ អភិបាលរងខេត្តព្រះសីហនុអញ្ជើញដឹកនាំកិច្ចប្រជុំពិភាក្សា ពិនិត្យ និងកែសម្រួលសេចក្តីណែនាំ ស្តីពីការរៀងចំ និងកសាងកម្មវិធីវិនិយោគបីឆ្នាំរំកិល (២០២៣-២០២៥) របស់រដ្ឋបាលខេត្តព្រះសីហនុ ដោយមានការអញ្ជើញចូលរួមពីឯកឧត្តម លោកជំទាវ សមាជិក សមាជិកា ក្រុមប្រឹក្សាខេត្ត អភិបាលក្រុង ស្រុក និងប្រធានមន្ទីរ អង្គភាពពាក់ព័ន្ធក្នុងខេត្ត។

ព្រឹកថ្ងៃចន្ទ ទី០៣ ខែតុលា ឆ្នាំ២០២២ លោក ឡុង ឌីម៉ង់ អភិបាលរងខេត្តព្រះសីហនុ បានចូលរួមសិក្ខាសាលាផ្សព្វផ្សាយប្រកាស ស្តីពី ការដាក់ឱ្យអនុវត្តនូវគោលការណ៍ណែនាំក្នុងការអនុវត្ត គម្រោងអភិវឌ្ឍន៍ទេសចរណ៍ ផ្សារភ្ជាប់នឹងធម្មជាតិខ្នាតតូចដែលមានទំហំផ្ទៃដីក្រោម១០ហិកតា ក្រោមអធិបតីភាពឯកឧត្តម រ័ត្ន វិរៈ រដ្ឋលេខាធិការក្រសួងបរិស្ថាន ដោយមានការចូលរួមពីឯកឧត្តម លោកជំទាវ អនុរដ្ឋលេខាធិការ អគ្គនាយកដ្ឋានតំណាងរដ្ឋបាលខេត្ត មន្ទីរ ស្ថាប័ន អង្គភាពពាក់ព័ន្ធ និងធនាគារពិភពលោក សរុបប្រមាណ ២៥០រូប នៅទីស្តីការក្រសួងបរិស្ថាន។

នៅវេលាម៉ោង១២ និង៣៥នាទីថ្ងៃត្រង់ ថ្ងៃទី២ ខែតុលា ឆ្នាំ២០២២ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានជួបសំណេះសំណាល និងឧបត្ថម្ភថវិកាលើកទឹកចិត្តដល់ មន្រ្តីនគរបាលប្រឆាំងគ្រឿងញៀន ០១រូប នៃស្នងការដ្ឋាននគរបាលខេត្តព្រះសីហនុ ដែលបានរងរបួសក្នុងប្រតិបត្តិការ នៃការចុះបង្ក្រាបគ្រឿងញៀន០១ករណី នៅចំណុច រង្វង់មូល​ព្រះសិវៈ​ និងព្រះនាងឧមាវតី ស្ថិតក្នុងឃុំរាម ស្រុកព្រៃនប់ ខេត្តព្រះសីហនុ កាលពីយប់រំលងអាធ្រាតចូលថ្ងៃទី២ ខែតុលា ឆ្នាំ២០២២កន្លងមក។