ព័ត៌មានទូទៅ

នៅរសៀលថ្ងៃទី០៩​ ខែមករា​ ឆ្នាំ២០២៣​ គណៈប្រតិភូខេត្តព្រះសីហនុ​ ដឹកនាំដោយឯកឧត្តម​ ​វង្ស​ ផាណាត​ ប្រធានក្រុមប្រឹក្សាខេត្តព្រះសីហនុ បានអញ្ជេីញធ្វេីដំណេីរទៅកាន់ខេត្តគៀនយ៉ាង​ នៃសាធារណ​រដ្ឋ​សង្គម​និយម​វៀតណាម​ ក្នុងឱកាសមកជូនពរបុណ្យចូលឆ្នាំថ្មី​ ប្រពៃណីជាតិវៀតណាម​ ដែលនឹងចូលមកដល់នាពេលខាងមុខនេះ​។

ក្រោមការដឹកនាំបញ្ជាផ្ទាល់ពីឯកឧត្តម គួច ចំរើន អភិបាល នៃគណៈអភិបាលខេត្ត បានសង្គ្រោះទំនប់ទឹក៣ រួចផុតពីការគំរាមកំហែង នៅវេលាយប់រំលងអាធ្រាតចូលថ្ងៃទី៩ ខែមករា ឆ្នាំ២០២៣ និងបានបញ្ជូនការងារនេះទៅក្រុមហ៊ុនផ្គត់ផ្គង់ទឹកស្អាតអានកូដើម្បីធ្វើជួសជុលពង្រឹងទំនប់នេះបន្ត។ សូមបញ្ជាក់ថាទំនប់ទី៣ គឺជាទំនប់យុទ្ធសាស្ត្រដែលការពារទំនប់ទី៤ ដូច្នេះទើបថ្នាក់ដឹកនាំខេត្តសម្រេចចិត្តចាត់អាទិភាព ជួសជុលទំនប់នេះមុនគេបំផុត។ ជាមួយគ្នានេះ ឯកឧត្តមអភិបាលខេត្ត បានបញ្ជូនក្រុមការងារបច្ចេកទេស និងគ្រឿងចក្របន្ថែមដើម្បីបង្កើនល្បឿនជួសជុលតភ្ជាប់ទំនប់ទី២ឱ្យបានឆាប់រួចរាល់។

រសៀល-យប់ ថ្ងៃទី៨ ខែមករា ឆ្នាំ២០២៣ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានដឹកនាំបញ្ជាផ្ទាល់ក្នុងការជួសជុលទំនប់ទី២ និងទំនប់ទី៣ អាងស្តុកទឹករបស់ក្រុមហ៊ុនផ្គត់ផ្គង់ទឹកស្អាតអានកូ ស្ថិតនៅក្នុងសង្កាត់លេខ១ ក្រុងព្រះសីហនុ (តំបន់ក្បាលឆាយ)។ ចំពោះមុខឯកឧត្តមអភិបាលខេត្តបានជំរុញ ឱ្យក្រុមបច្ចេកទេសត្រូវពន្លឿនការជួសជុលទំនប់ទឹកទាំងពីរ និងក្បាលម៉ាស៊ីនបូមទឹក ព្រមទាំងបណ្តាញ

រសៀលថ្ងៃទី៦ ខែមករា ឆ្នាំ២០២៣ លោក មីន កុម្ភៈ អភិបាលរងខេត្តព្រះសីហនុ អញ្ជើញដឹកនាំកិច្ចប្រជុំស្តីអំពីការចុះស្រង់ស្ថិតិទិន្នន័យមូលដ្ឋានអាជីវកម្មក្នុងខេត្តព្រះសីហនុ ដោយមានការចូលរួមពី នាយករងរដ្ឋបាលខេត្ត នាយកទីចាត់ការផែនការ និងវិនិយោគ និងប្រធាន អនុប្រធាន អង្គភាពច្រកចេញចូលតែមួយសាលាខេត្ត។

ព្រឹកថ្ងៃទី៦ ខែមករា ឆ្នាំ២០២៣ ឯកឧត្តម ឧត្តមសេនីយ៍ឯក យឿង សុខុន មេបញ្ជាការរងកងទ័ពជើងគោក មេបញ្ជាការយោធភូមិភាគទី៣ និងឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានអញ្ជើញជាអធិបតីក្នុងពិធីបាញ់គ្រាប់ពិត វគ្គហ្វឹកហ្វឺនប្រចាំឆ្នាំ២០២២ តំបន់ប្រតិបត្តិការសឹករងព្រះសីហនុ ស្ថិតនៅសាលាពលទាហានទី៣ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ។

ព្រឹកថ្ងៃទី៥ ខែមករា ឆ្នាំ២០២៣ ឯកឧត្តម វង្ស ផាណាត ប្រធានក្រុមប្រឹក្សាខេត្ត និងឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ ដឹកនាំកិច្ចប្រជុំសាមញ្ញរបស់ក្រុមប្រឹក្សាខេត្តព្រះសីហនុ អាណត្តិទី៣ លើកទី៤៣ ដោយមានការអញ្ជើញចូលរួមពីឯកឧត្តម លោកជំទាវ សមាជិក សមាជិកា ក្រុមប្រឹក្សាខេត្ត អភិបាលរងខេត្ត នាយក នាយករងរដ្ឋបាលខេត្ត ប្រធានមន្ទីរ អង្គភាព ជំនាញពាក់ព័ន្ធ និងទីចាត់ការ-អង្គភាព ការិយាល័យចំណុះសាលាខេត្តព្រះសីហនុ។

ព្រឹកថ្ងៃទី៤ ខែមករា ឆ្នាំ២០២៣ ឯកឧត្តម ម៉ាង ស៊ីណេត អភិបាលរងខេត្ត តំណាងឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ អញ្ជើញសំណេះសំណាល និងប្រគល់អំណោយជាសម្ភារសិក្សារបស់សាលាខេត្តជាំងស៊ូ នៃសាធារណរដ្ឋប្រជាមានិតចិន ជូនសិស្សសាលាបឋមសិក្សា និងអនុវិទ្យាល័យបិតត្រាំង មិត្តភាពព្រះសីហនុ-ជាំងស៊ូ ស្ថិតនៅឃុំបិតត្រាំង ស្រុកព្រៃនប់ ខេត្តព្រះសីហនុ។

រសៀលថ្ងៃទី៣ ខែមករា ឆ្នាំ២០២៣ លោក ឃាង ភារម្យ នាយកទីចាត់ការផែនការ និងវិនិយោគ សាលាខេត្ត បានដឹកនាំមន្ត្រីបច្ចេកទេសខេត្ត ដោយមានការចូលរួមសហការពីមន្ទីរសាធារណការ និងដឹកជញ្ជូនខេត្ត រដ្ឋបាលបាលក្រុងព្រះសីហនុ និងអាជ្ញាធរមូលដ្ឋាន ភូមិសង្កាត់ ចុះពិនិត្យទីតាំងស្នើសុំដោះស្រាយករណីរំលោភចំណីអូរប្រឡាយ, បើកផ្លូវ, ជួសជុល និងសាងសង់ផ្លូវបេតុង ឆ្លើយតបទៅនឹងសំណើសំណូមពររបស់ប្រជាពលរដ្ឋដែលបានលើកឡើងក្នុងវេទិកាពិគ្រោះយោបល់ក្រុមប្រឹក្សាខេត្ត កាលពីថ្ងៃទី១៩ ខែធ្នូ ឆ្នាំ២០២២កន្លងមក។

រសៀលថ្ងៃទី៣ ខែមករា ឆ្នាំ២០២៣ ឯកឧត្តម សាយ សំអាល់រដ្ឋមន្ត្រីក្រសួងបរិស្ថាន និងជាប្រធានក្រុមការងាររាជរដ្ឋាភិបាលចុះជួយខេត្តព្រះសីហនុ និងឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ អញ្ជើញពីធីសំណេះសំណាលជាមួយសិស្សនិទ្ទេស A និងសិស្សប្រឡងជាប់សញ្ញាបត្រមធ្យមសិក្សាទុតិយភូមិ សម័យប្រឡង ៥ធ្នូ ឆ្នាំ២០២២ នៅមជ្ឍមណ្ឌលមង្គលសេដ្ឋាច័ន្ទស្ថិតនៅសង្កាត់លេខ៤ ក្រុងព្រះសីហនុ ខេត្តព្រះសីហនុ។

ព្រឹកថ្ងៃទី៣ ខែមករា ឆ្នាំ២០២៣ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ អញ្ជើញអបអរសាទរពិធីបើកបវេ សនកាលឆ្នាំសិក្សាឆ្នាំ២០២២-២០២៣ ប្រកាសពង្រីកអនុវិទ្យាល័យទួលកែវ ទៅជាវិទ្យាល័យទួលកែវ និងសម្ពោធដាក់ឱ្យប្រើប្រាស់អគារសិក្សាមួយខ្នង មានកម្ពស់៣ ជាន់ ស្មើនឹង ៣០បន្ទប់ នៃវិទ្យាល័យទួលកែវ ឃុំទឹកល្អក់ ស្រុកព្រៃនប់ ខេត្តព្រះសីហនុ ដោយមានការអញ្ជើញចូលរួមពីលោក លោកស្រីអភិបាលរងខេត្ត លោកនាយករដ្ឋបាលសាលាខេត្ត លោកអភិបាលស្រុកព្រៃនប់ ប្រជាពលរដ្ឋ សិស្សានុសិស្ស និងសប្បុរសជន។