ព័ត៌មានទូទៅ

នារសៀលថ្ងៃទី២៩ ខែឧសភា ឆ្នាំ២០២៤ លោក ជាវ វិជ្ជាក់ អភិបាលរងខេត្តព្រះសីហនុ បានចូលរួមកិច្ចប្រជុំស្តីពី វឌ្ឍនភាពកិច្ចប្រតិបត្តិការចុះសិក្សា និងបោសសម្អាតគ្រាប់យុទ្ធភណ្ឌមិនទាន់ផ្ទុះក្នុងនាវាដែលលិចនៅបាតទន្លេ និងសមុទ្រ ក្រោមអធិបតីភាពដ៏ខ្ពង់ខ្ពស់ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផៃ្ទ នៅសាលប្រជុំទីស្តីការក្រសួងមហាផ្ទៃ។

ព្រឹកថ្ងៃទី២៩ ខែឧសភា ឆ្នាំ២០២៤ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ អញ្ជើញចូលរួមដាំកូនក្ងោកចំនួន ៨៨៤ដើម ធ្វើការដាំដុះអមសងខាងផ្លូវជាតិលេខ៤ ចាប់ពីខាងមុខផ្លូវល្បឿនលឿនមកដល់រោងចក្រក្រោន ដែលសម្របសម្រួលដោយមន្ទីរកសិកម្មររុក្ខាប្រមាញ់ និងនេសាទខេត្តព្រះសីហនុ ដោយមានការចូលរួមពីឯកឧត្តម លោកជំទាវ អភិបាលរងខេត្ត អភិបាលក្រុងស្រុក ប្រធានមន្ទីរ អង្គភាព ស.ស.យ.ក យុវជនកាកបាទក្រហមកម្ពុជា យុវជនកាយរិទ្ធ អ.ម.ត និងសិក្សានុសិស្សមេបញ្ជាការកងពលតូចអន្តរាគមន៍លេខ៤ ទិសឧត្តរមានជ័យ។

រសៀលថ្ងៃទី២៨ ខែឧសភា ឆ្នាំ២០២៤ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ អញ្ជើញដឹកនាំកិច្ចប្រជុំពិនិត្យសំណើសុំវិនិយោគទីតាំងអូរ ដើម្បីកាយធ្វើជាអាងស្តុកទឹកសម្រាប់ផលិត និងផ្គត់ផ្គង់ទឹកស្អាត ចំនួន ០១កន្លែង មានទំហំផ្ទៃដី ៨ ៣៧២ម៉ែត្រការ៉េ ដែលមានទីតាំងស្ថិតនៅភូមិកោះរ៉ុងសន្លឹម (២៣) សង្កាត់កោះរ៉ុងសន្លឹម ក្រុងកោះរ៉ុង របស់ក្រុមហ៊ុន ស៊ុន ស្រីអូន វ៉ធើរ សឹបផ្លាយ។

នារសៀលថ្ងៃទី២៨ ខែឧសភា ឆ្នាំ២០២៤ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ ដឹកនាំកិច្ចប្រជុំពិនិត្យលើសំណើរសុំរៀបចំកែលម្អសួនលើចិញ្ចើមផ្លូវសាធារណៈមានទំហំ ២ ៨៦៥០ម៉ែត្រការ៉េ មានទីតាំងស្ថិតនៅសង្កាត់លេខ៤ ក្រុងព្រះសីហនុ ខាងមុខគម្រោងរបស់ក្រុមហ៊ុន ប៉ាន់ តាវអ៉ីនវេសម៉ិន ឯ.ក។

ព្រឹកថ្ងៃទី២៨ ខែឧសភា ឆ្នាំ២០២៤ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានអញ្ជើញដឹកនាំមន្រ្តីក្រោមឱវាទចូលរួមគោរពវិញ្ញាណក្ខន្ធសព លោក សេង សំអាន អតីតនាយករងរដ្ឋបាលសាលាខេត្ត ដែលទទួលមរណភាព ក្នុងជន្មាយុ៨០ឆ្នាំ ដោយរោគាពាធ នៅគេហដ្ឋាន នៃសព ស្ថិតនៅភូមិ២ សង្កាត់លេខ១ ក្រុងព្រះសីហនុ។

ព្រឹកថ្ងៃទី២៨ ខែឧសភា ឆ្នាំ២០២៤ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានអញ្ជើញទទួលជួបសម្តែងការគួរសម និងពិភាក្សាការងារជាមួយឯកឧត្តម Song Fulong សមាជិកគណៈកម្មាធិការអចិន្ត្រៃយ៍ នៃគណៈកម្មាធិការបក្សកុម្មុយនីស្តចិន (CPC) ខេត្តក្វាងទុង ជាលេខាធិការ នៃគណៈកម្មការត្រួតពិនិត្យវិន័យ CPC ខេត្តក្វាងទុង និងជាអគ្គនាយកនៃគណៈកម្មការត្រួតពិនិត្យខេត្តក្វាងទុង។

ព្រឹកថ្ងៃទី២៧ ខែឧសភា ឆ្នាំ២០២៤ លោក ម៉ាង ស៊ីណេត អភិបាលរងខេត្តព្រះសីហនុ បានអញ្ជើញចូលរួមក្នុងពិធីបិទសមយុទ្ធកងទ័ពជើងទឹក នាគមាស-ឆ្នាំ២០២៤ លើនាវា៩៨៥ ក្រោមអធិបតីភាពឯកឧត្តម នាយឧត្តមសេនីយ៍ ឥត សារ៉ាត់ អគ្គមេបញ្ជាការរង នាយសេនាធិការចម្រុះ និងជាប្រធានគណៈកម្មការលំហាត់ និងធ្វើសមយុទ្ធជាមួយបណ្ដាប្រទេសជាមិត្ត និងឧត្តមនាវីទោ កៅ ស៉ីវឈីង នាយរងសេនាធិការតំបន់ភាគខាងត្បូងកងទ័ពរំដោះប្រជាជនចិន។

នាថ្ងៃទី២៤ ខែឧសភា ឆ្នាំ២០២៤ លោក ឡុង ឌីម៉ង់ អភិបាលរងខេត្តព្រះសីហនុ បានតំណាងឯកឧត្តមអភិបាល នៃគណៈអភិបាលខេត្តដឹកនាំ គណៈប្រតិភូខេត្តចំនួន០៣រូប ចូលរួមមហាសន្និបាតលើកទី៤៤ របស់សមាគមអន្តរជាតិ នៃអភិបាលក្រុងនិយាយភាសាបារាំង(Association Internationale des Maires Francophones, AIMF) នៅទីក្រុងឡូហ្សាន ប្រទេសស្វីស។​​

ឯកឧត្តម គួច ចំរើន ប្រធានគណៈបញ្ជាការឯកភាពរដ្ឋបាលខេត្ត ៖ ការចាប់ផ្តើមដាក់ចេញនូវវិធានការទប់ស្កាត់ និងបង្ក្រាបម្តងៗយើងប្រកាន់នូវគោលការណ៍ចំនួន ៣គឺ អប់រំ រដ្ឋបាល និងច្បាប់។ ប៉ុន្តែវិធានការអប់រំ ទុកជូនលោកឪពុក និងអ្នកម្តាយ ជាអ្នកទទួលខុសត្រូវក្នុងការអប់រំ គិតមកដល់ម៉ោងនេះបើឱ្យអាជ្ញាធររបស់យើងនៅប្រើកម្លាំងចុះទៅធ្វើការអប់រំបន្តទៀតគឺមិនទាន់គ្រប់គ្រាន់នោះទេ។ សម្រាប់ការអនុវត្តវិធានការក្មេងទំនើងក្នុងដំណាក់