រដ្ឋបាលខេត្តព្រះសីហនុ

ព្រឹកថ្ងៃសុក្រ ៧រោច ខែស្រាពណ៍ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១៩ ខែសីហា ឆ្នាំ២០២២ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ អញ្ជើញផ្សព្វផ្សាយរបបសន្តិសុខសង្គមផ្នែកប្រាក់សោធន សម្រាប់បុគ្គលទាំងឡាយណាដែលស្ថិតនៅក្រោមបញ្ញតនៃច្បាប់ ស្តីពីការងារជូនកម្មករ កម្មការិនីរោងចក្រ Hing Lee (Cambodia) Co,Ltd ប្រមាណ ៣០០នាក់ នៅតំបន់សេដ្ឋកិច្ចពិសេសបិតត្រាំង ស្ថិតនៅឃុំបិតត្រាំង ស្រុកព្រៃនប់ ខេត្តព្រះសីហនុ។

កាលពីថ្ងៃទី​១៧​ ខែ​សីហា​ ឆ្នាំ​២០២២ ឯកឧត្តម ម៉ាង​ ស៊ីណេត​ អភិបាលរងខេត្ត តំណាងឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ អញ្ជេីញចុះសួរសុខទុក្ខ​លោកស្រី​ ហៀក​ ហ៊ីមុល្លី អភិបាលរងខេត្ត​ ខណៈដែលលោកស្រីកំពុងមានបញ្ហាសុខភាព នៅគេហដ្ឋានផ្ទាល់។

ព្រឹកថ្ងៃព្រហស្បតិ៍ ៦រោច ខែស្រាពណ៍ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១៨ ខែសីហា ឆ្នាំ២០២២ លោក ឡុង ឌីម៉ង់ អភិបាលរងខេត្តព្រះសីហនុ បានអញ្ជើញចូលរួមកិច្ចប្រជុំពិគ្រោះយោបល់ជាមួយក្រុមការងារវិទ្យាស្ថាន Shen Zhen (UPDIS) អំពីការអភិវឌ្ឍលើវិស័យទេសចរណ៍នៃគម្រោង «អភិវឌ្ឍ និងប្រែក្លាយខេត្តព្រះសីហនុ» តាមរយៈប្រព័ន្ធវិដេអូ Zoom Meeting ដោយមានការចូលរួមពីប្រធានមន្ទីរ អង្គភាពពាក់ព័ន្ធ។

ព្រឹកថ្ងៃព្រហស្បត្តិ៍ ៦រោច ខែស្រាពណ៍ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១៨ ខែសីហា ឆ្នាំ២០២២ ឯកឧត្តម រ័ត្ន សុវណ្ណនរៈ ឧបការីទេសាភិបាល និងជាអគ្គនាយកត្រួតពិនិត្យ ធនាគារជាតិ នៃកម្ពុជា ឯកឧត្តម ម៉ាង ស៊ីណេត អភិបាលរង នៃគណៈភិបាលខេត្តព្រះសីហនុ និងអ្នកឧកញ៉ា គិត ម៉េង ប្រធានក្រុមប្រឹក្សាភិបាល នៃធនាគារ វីង និងក្រុមហ៊ុនរ៉ូយ៉ាល់គ្រុប អញ្ជើញសម្ពោធជាផ្លូវការធនាគារ វីង (ខេមបូឌា) ម.ក សាខាក្រុងព្រះសីហនុ ស្ថិតនៅភូមិ១ សង្កាត់លេខ២ ក្រុងព្រះសីហនុ ខេត្តព្រះសីហនុ។

ព្រឹកថ្ងៃពុធ ទី១៧ ខែសីហា ឆ្នាំ២០២២ ឯកឧត្តម ម៉ាង ស៊ីណេត អភិបាលរងខេត្តព្រះសីហនុ អញ្ជើញដឹកនាំកិច្ចប្រជុំពិភាក្សាអំពីការគ្រប់គ្រងបន្ទប់ជួល អាគារស្នាក់នៅរួម ផ្ទះជួល សណ្ឋាគារ និងផ្ទះសំណាក់ ដោយមានការចូលរួមពីលោក នាយក នាយករងរដ្ឋបាលសាលាខេត្ត អភិបាលក្រុង ស្រុក និងមន្ទីអង្គភាពពាក់ព័ន្ធ។