អបអរពិធីបុណ្យឆ្លងឆ្នាំសកល២០១៧ ឈានចូល២០១៨ នៅខេត្តព្រះសីហនុ

លោកឧកញ៉ា ឡាវ កាំង ប្រធានសភាពាណិជ្ជកម្មខេត្តព្រះសីហនុឲ្យដឹងថា ចាប់ពីថ្ងៃទី២៩ខែធ្នូ មក ស្រប ពេលដែលខេត្តព្រះសីហនុរៀបចំប្រារព្ធពិធីអបអរសាទរពីធីបុណ្យឆ្លងឆ្នាំសកល ២០១៧ ចូលឆ្នាំថ្មី ២០១៨ បានរៀបចំព្រឹត្តិការណ៍តាំងពិព័រណ៍ពាណិជ្ជកម្ម នៅឆ្នេរឯករាជ្យដើម្បីអបអរសាទរបុណ្យឆ្លងឆ្នាំសកល ២០១៧ ឆ្លងចូលឆ្នាំ ២០១៨ មានអ្នកទេសចរជាតិនិងអន្តរជាតិមកលេងកម្សាន្តនៅខេត្តព្រះសីហនុ។ លោក ឧកញ៉ា ឡាវ កាង បានបញ្ជាក់ថាមានស្តង់ពិព័រណ៍ចំនួន ១៥០ ស្តង់ត្រូវបានដាក់តាំងនៅ ផលិតផល ចម្រុះដែលមានការចូលរួមពីបណ្ដាក្រុមហ៊ុនអាជីវកម្មក្នុងប្រទេសកម្ពុជា និងពីបរទេសតាំងបង្ហាញនៅប្រលិតផលរបស់ខ្លួន។

ឯកឧត្តម យន្ត មីន អភិបាលនៃគណៈអភិបាលខេត្តព្រះសីហនុបានចាត់ទុកថាប្រការនេះនឹងនាំមកនូវសមទ្ធិផលសម្បូរបែបសម្រាប់ប្រជាពលរដ្ឋក្នុងខេត្តព្រះសីហនុ បង្ហាញអំពីការរីកចម្រើន និងជាកត្តាពង្រីកវិស័យទេសចរណ៍ក្នុងតំបន់ឆ្នេរសមុទ្ររបស់ខេត្តព្រះសីហនុ ក្រៅពីនេះ ពិធីតាំងពិព័រណ៍ក៏ជាការផ្សារ ភ្ជាប់ជាមួយពាណិជ្ជករក្រុមហ៊ុនក្នុងស្រុកនិងក្រៅស្រុក ដែលឯកឧត្តម អភិបាលខេត្តព្រះសីហនុ មានជំនឿថាការតាំងពិព័រណ៍ផលិតផលពាណិជ្ជកម្មនៅក្រុងព្រះសីហនុនឹងត្រូវធ្វើ ជាបន្តបន្ទាប់ទៀត ក្រោមកិច្ចសហការពីសភាពាណិជ្ជកម្មខេត្តព្រះសីហនុ ឯកឧត្តម យន្ត មីន អភិបាលខេត្តព្រះសីហនុ ថ្លែងបញ្ជាក់ថាសម្រាប់ការតាំងពិព័រណ៍នេះជាព្រឹត្តិការណ៍លើកទី ៦ ហើយដែលសភាពាណិជ្ជកម្មខេត្តព្រះសីហនុបាននៅរួមរស់ជាមួយសាលាខេត្តព្រះសីហនុរៀបចំពិព័រណ៍ពាណិជ្ជកម្មនិងមានការដាក់តាំងលក់ទំនិញចំនួន ១៥០ ស្តង់ ដើម្បីអបអរសាទក្នុងឱកាសបុណ្យឆ្លងឆ្នាំ សកល ២០១៧ ឈានចូល២០១៨។ ព្រឹត្តការណ៍នេះ បានក្លាយទៅជាព្រឹតិ្តការណ៍ទេសចរណ៍ដ៏សប្បាយរីករាយក្នុងឱកាសឆ្លងឆ្នាំសកលនឹងបានបង្ហាញអំពីភាពជាដៃគូររវាងរដ្ឋនិងឯកជន ក្នុងការចូលរួម ផ្សព្វផ្សាយ សក្ដានុពលទេសចរណ៍ និងរួមចំណែកការអភិវឌ្ឍខេត្តដែលធ្វើឲ្យខេត្តព្រះសីហនុមាន ភាពរីកចម្រើនថែមទៀត៕ TR

ក្រុមគេហទំព័រខេត្តព្រះសីហនុ