Home / ព័ត៌មានទូទៅ / កិច្ចប្រជុំរបស់ខ្លួន នៅសណ្ឋាគារ ហ្គោលដិនសុី

កិច្ចប្រជុំរបស់ខ្លួន នៅសណ្ឋាគារ ហ្គោលដិនសុី

ខេត្តព្រះសីហនុ៖ នាព្រឹកថ្ងៃទី២៥ ខែកក្កដា ឆ្នាំ២០១៦ គណៈកម្មាធិការវាយតម្លៃទីក្រុងស្អាត បានរៀបចំនូវ កិច្ចប្រជុំរបស់ខ្លួន នៅសណ្ឋាគារ ហ្គោលដិនសុី ខេត្តព្រះសីហនុ

ក្រោមអធិបតីភាព លោក ច្រឡឹង សុមេធា ប្រធានផ្នែក ផែនការ បណ្តុះបណ្តាល និងនីតិកម្មនៃ គ.ជ.វ.ទ និងមានការ អញ្ជើញចូលរួមពីសំណាក់មន្រ្តី ផ្នែកផែនការ បណ្តុះបណ្តាល និងនីតិកម្មខេត្តព្រះសីហនុ និងខេត្តកោះកុង មន្ត្រី ទេសចរណ៍ មន្រ្តីពាក់ព័ន្ធនានានៃខេត្តព្រះសីហនុ និងខេត្តកោះកុងផងដែរ។

នៅក្នុងកិច្ចប្រជុំនេះបានពិភាក្សាពិគ្រោះយោបល់លើសេចក្តីព្រាង ”ក្រុុមប្រតិបត្តិឆ្នេរសមុទ្រកម្ពុជា” នៅក្នុងកិច្ចប្រជុំនេះ បានបើកមតិស្វាគមន៍ដោយ លោក ច្រឡឹង សុមេធា ប្រធានផ្នែក ផែនការ បណ្តុះបណ្តាល និងនីតិកម្មនៃ គ.ជ.វ.ទ ទៅដល់សមាជិក ក្នុងអង្គប្រជុំទាំងមូល និងជាបន្ត លោក ពឹង សុងពិសិដ្ឋ មន្រ្តីជំនួយការអគ្គនាយកទេសចរណ៍ បានធ្វើនូវបទបង្ហាញ ស្តីពី ”ក្រុមប្រតិបត្តិឆ្នេរសមុទ្រកម្ពុជា” ដែលបង្ហាញពីផលិតផលទេសចរណ៍របស់ខេត្ត សកម្មភាព ជាយុទ្ធសាស្រ្ត ប្រការគួរធ្វើផ្សេងៗ។

ក្រោយពីការធ្វើបទបង្ហាញបានបញ្ចប់ កិច្ចប្រជុំបានចែកចេញជា២ ផ្នែកគឺ៖
-ក្រុមទី១: ដឹកនាំសម្របសម្រួលដោយ លោក សុីម សុខតឿ ជំនួយការអគ្គនាយក ទេសចរណ៍ និង លោក វ៉ាត វ៉ាន់វីរៈ មន្រ្តីផ្នែកផែនការ បណ្តុះបណ្តាល និងនីតិកម្ម “ក្រុមប្រតិបត្តិឆ្នេរសមុទ្រខេត្តព្រះសីហនុ”

-ក្រុមទី២: ដឹកនាំសម្របសម្រួលដោយ លោក ពីង សុងពិសិដ្ឋ ជំនួយការអគ្គនាយក ទេសចរណ៍ និង លោក ឡោ សុធន មន្រ្តីផ្នែកផែនការ បណ្តុះបណ្តាល និងនីតិកម្ម “ក្រុមប្រតិបត្តិឆ្នេរសមុទ្រខេត្តកោះកុង”

ដោយក្រុមនីមួយៗពិភាក្សាផ្តោតទៅលើ
-សកម្មភាពយុទ្ធសាស្រ្តសម្រាប់ខេត្ត
-ការអភិវឌ្ឍផលិតផលទេសចរណ៍ប្រកបដោយគុណភាព
-ការធានាសុវត្ថិភាពសម្រាប់ភ្ញៀវទេសចរ
-ការធ្វើទីផ្សារឲ្យក្លាយជាគោលដៅ និង ច្រកទាក់ទាញទៅកាន់ឆ្នេរសមុទ្រកម្ពុជា។ (សម្បត្តិ)

01

02

03

04