ព័ត៌មានទូទៅ

ព្រឹកថ្ងៃទី៣ ខែធ្នូ ឆ្នាំ២០២៣ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ អញ្ជើញសម្ពោធបើកឱ្យដំណើរការសណ្ឋាគារស៊ីហាហូថេល និងកាស៊ីណូ មានទីតាំងនៅនៅក្រុម១៤ ភូមិ១ សង្កាត់លេខ៣ ក្រុងព្រះសីហនុ ដោយ មានការូលរួមពីលោកអភិបាលក្រុងព្រះសីហនុ ប្រធានមន្ទីរ អង្គភាពក្នុងខេត្តព្រះសីហនុ។

ព្រឹកថ្ងៃទី០២ ខែធ្នូ ឆ្នាំ២០២៣ លោក ឡុង ឌីម៉ង់ អភិបាលរងនៃគណៈអភិបាលខេត្តព្រះសីហនុ បានតំណាងរដ្ឋបាលខេត្តព្រះសីហនុអញ្ជើញចូលរួម ពិធីប្រកាស និងប្រគល់ជ័យភីចំណាត់ថ្នាក់ដល់ “ឆ្នេរខ្សាច់ និងព្រែកដែលទទួលបានជ័យលាភីនៃការប្រឡងប្រណាំងខ្សាច់កម្សាន្តលើកទី៤ និងព្រែកកម្សាន្តលើកទី១ ឆ្នាំ២០២៣” ក្រោមអធិបតីភាព ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងជាប្រធានគណៈម្មាធិការជាតិគ្រប់គ្រងនិងអភិវឌ្ឍតំបន់ឆ្នេរសមុទ្រកម្ពុជា។

ព្រឹកថ្ងៃទី១ ខែធ្នូ ឆ្នាំ២០២៣ ឯកឧត្តម វង្ស ផាណាត ប្រធានក្រុមប្រឹក្សាខេត្ត និងឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានអញ្ជើញដឹកនាំកិច្ចប្រជុំគណៈអភិបាលខេត្តព្រះសីហនុ ដើម្បីពិនិត្យរបាយការណ៍លទ្ធផលនៃការស្នើសុំបង្កើតក្រុងថ្មី នៃខេត្តព្រះសីហនុ។

ព្រឹកថ្ងៃទី១ ខែធ្នូ ឆ្នាំ២០២៣ ឯកឧត្តម វង្ស ផាណាត ប្រធានក្រុមប្រឹក្សាខេត្ត និងឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានអញ្ជើញចូលរួមកិច្ចប្រជុំពេញអង្គគណៈរដ្ឋមន្ត្រី តាមប្រព័ន្ធវិដេអូ Conference ក្រោមអធិបតីភាពដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។

នារសៀលថ្ងៃទី៣០ ខែវិច្ឆិកា ឆ្នាំ២០២៣ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ អញ្ជើញចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋនៅភូមិចាំស្រី និងភូមិក្រាំងអាត់ ឃុំកំពង់សីលា ស្រុកកំពង់សីលា ខេត្តព្រះសីហនុ។

ព្រឹកថ្ងៃទី២៩ ខែវិច្ឆិកា ឆ្នាំ២០២៣ លោក គង់ វិតាណៈ អភិបាលរងខេត្តព្រះសីហនុ បានអញ្ជើញជាអធិបតីក្នុងពិធីសម្ពោធផ្លូវមេរបស់គម្រោង Bay of Light ស្ថិតនៅស្រុកព្រៃនប់ ខេត្តព្រះសីហនុ។ លោក គង់ វិតាណៈ អភិបាលរងខេត្តព្រះសីហនុ បានថ្លែងនូវការកោតសរសើរ និងចូលរួមអបអរសាទរដោយស្មោះចំពោះ ពិធីសម្ពោធបើកឱ្យដំណើរការជាផ្លូវការ នាពេលនេះ ដែលជាសក្ខីភាពបង្ហាញឱ្យឃើញពីការជឿជាក់របស់អ្នកវិនិយោគទុនមកលើរាជរដ្ឋាភិបាលកម្ពុជាក្រោមការដឹកនាំដ៏ត្រឹមត្រូវ

សូមជម្រាបជូនដំណឹង ដល់ប្រជានេសាទចំពោះការអនុគ្រោះរបស់រដ្ឋបាលខេត្តព្រះសីហនុលើការចុះបញ្ជីជលយាន(ទូកនេសាទ) នៅសល់៣២ថ្ងៃទៀតទេ ការបញ្ចុះតម្លៃបង់សេវា ចំនួន ៥០% ចំពោះមុខសេវាចំនួនពីរ គឺការចុះបញ្ជីបណ្ណសម្គាល់ជលយាន និងសៀវភៅពិនិត្យបច្ចេកទេស (ឆៀក) នៅអង្គភាពច្រកចេញចូលតែមួយខេត្តព្រះសីហនុ។

នារសៀលថ្ងៃទី២៨ ខែវិច្ឆិកា ឆ្នាំ២០២៣ លោក ម៉ាង ស៊ីណេត អភិបាលរងខេត្តព្រះសីហនុ បានអញ្ជើញចូលរួមពិធីជប់លៀងលើនាវា (ADMIRAL PANTELEEV) នៃកងទ័ពជើងទឹកសហព័ន្ធរុស្សី ប្រចាំតំបន់ប៉ាស៊ីហ្វិក ក្រោមអធិបតីភាព ឯកឧត្តម នាយឧត្តមនាវី ទៀ វិញ អគ្គមេបញ្ជាការរង នៃកងយុទ្ធពលខេមរភូមិន្ទ អគ្គលេខាធិការ នៃគណៈកម្មាធិការជាតិ សន្តិសុខលំហរសមុទ្រ និងជាមេបញ្ជាការកងទ័ពជើងទឹក តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ។

ភ្ញៀវទេសចរណ៍ ដែលបានអញ្ជើញមកលេងកម្សាន្ត នៅខេត្តព្រះសីហនុ ក្នុងឱកាសព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក រយៈពេល០៣ថ្ងៃ ចាប់ពីថ្ងៃទី២៦ ដល់ថ្ងៃទី២៨ ខែវិច្ឆិកា ឆ្នាំ២០២៣ មានចំនួន ២៦២.៤១១នាក់

អបអរសាទរ លទ្ធផលបឋម នៃជំនួបទាំង២ជើង រវាងទូក ង «ព្រះសីហនុសែនជ័យ បារមីជំទាវម៉ៅ» របស់ខេត្តព្រះសីហនុ និង«ម្ជុលពេជ្រតេជោសែនជ័យ» របស់ខេត្តកណ្តាល ក្នុងថ្ងៃទី៣ នៃព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំ២០២៣។ -ជើងទី១ «ព្រះសីហនុសែនជ័យ បារមីជំទាវម៉ៅ» ទទួលបានជ័យជំនះ -ជើងទី២ «ព្រះសីហនុសែនជ័យ បារមីជំទាវម៉ៅ» ទទួលបានជ័យជំនះ។