ព័ត៌មានទូទៅ

រសៀលថ្ងៃទី១៥ ខែកក្កដា​ ឆ្នាំ២០២២ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានអញ្ជើញសួរសុខទុក្ខ​លោក​ សុខ​ នី​ អតីតអនុប្រធានមន្ទីរព័ត៌មានខេត្តព្រះសីហនុ បច្ចុប្បន្នជាជំនួយការផ្ទាល់ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន និងជាប្រេសិត ព័ត៌មាន-សោតទស្សន៍ ប្រចាំមន្ទីរព័ត៌មានខេត្តព្រះសីហនុ ដែលកំពុងសម្រាកព្យាបាលជំងឺ នៅមន្ទីរពេទ្យកាល់ម៉ែត្រ​ រាជធានីភ្នំពេញ។

ព្រឹកថ្ងៃទី១៥ ខែកក្កដា ឆ្នាំ២០២២ លោក​ ឡុង​​ ឌីម៉ង់ អភិបាលរងខេត្តព្រះសីហនុ បានអញ្ជើញចូលរួមពិធីបើកសិក្ខាសាលាស្ដីពី «ការផ្តល់សុពលភាព លើផែនការសកម្មភាព​បច្ចេកវិទ្យានៃគម្រោង​ វាយតម្លៃតម្រូវការបច្ចេកវិទ្យា និងផែនការសកម្មភាពដែលគាំទ្រដល់ការប្រើប្រាស់បច្ចេកវិទ្យាមេត្រីភាពបរិស្ថានក្នុងតំបន់សេដ្ឋកិច្ចពិសេសព្រះសីហនុ» ក្រោមអធិបតីភាពឯកឧត្តម​ វ៉ាន់​ មុនីនាថ អគ្គនាយក​នៃអគ្គនាយកដ្ឋានគោលនយោបាយនិងយុទ្ធ

រសៀលថ្ងៃទី១៥ ខែកក្កដា​ ឆ្នាំ២០២២​ ក្រុមប្រឹក្សាសង្កាត់លេខ៣ ក្រុងព្រះសីហនុ​ បានដឹកនាំប្រជាការពារ ចុះប្រមូលសំរាមចេញពីគម្របលូ និងតាមដងផ្លូវសាធារណៈ ដើម្បីបើកផ្លូវទឹកឱ្យហូរបានលឿន​ បញ្ចៀសការលិចផ្លូវ និងផ្ទះប្រជាពលរដ្ឋ​។

នៅព្រឹកថ្ងៃទី១៥ ខែកក្កដា​ ឆ្នាំ២០២២​ លោកស្រី​ សំរិទ្ធ​ សុខេមរា​ ចៅសង្កាត់លេខ២ ក្រុងព្រះសីហនុ​ បានដឹកនាំសហការី ចុះធ្វេីអនាម័យ​ និងប្រមូលសំរាម​ នៅតាមដងផ្លូវសាធារណៈ និងទីតាំងសំខាន់ៗក្នុងភូមិសាស្ត្រសង្កាត់លេខ២​ ក្រុងព្រះសីហនុ។

នៅរសៀលថ្ងៃទី១៤​ និងព្រឹកថ្ងៃទី១៥ ខែកក្កដា​ ឆ្នាំ២០២២ រដ្ឋបាលក្រុងព្រះសីហនុ ដោយមានការចូលរួមសហការពីមន្ទីរសាធារណការ និងដឹកជញ្ជូនខេត្ត បានបញ្ជូនគ្រឿងចក្របន្ថែមដើម្បីចូលរួមសម្អាត​ និងប្រមូល​ដីខ្សាច់​ ដែលត្រូវខ្យល់បោកបក់មកលើផ្លូវ​ តាមបណ្តោយឆ្នេរអូរត្រេះ១-២ ស្ថិតនៅក្នុងភូមិ៦ សង្កាត់លេខ៤ ក្រុងព្រះសីហនុ​ ខេត្តព្រះសីហនុ។

នៅថ្ងៃទី១៤​ ខែកក្កដា​ ឆ្នាំ២០២២ រដ្ឋបាលក្រុងព្រះសីហនុ បានដឹកនាំកម្លាំងប្រជាការពារ បុគ្គលិកអនាម័យ ក្រុមហ៊ុនដឹកកាកសំណល់សំណង់ និងក្រុមហ៊ុនប្រមូលសំរាម KSWM ចុះសម្អាត​ និងប្រមូល​ដីខ្សាច់​ បន្ទាប់ពីមានភ្លៀងធ្លាក់​ និងខ្យល់បោកបក់មកលើផ្លូវ​ តាមបណ្តោយឆ្នេរអូរត្រេះ១-២ ស្ថិតនៅក្នុងភូមិ៦ សង្កាត់លេខ៤ ក្រុងព្រះសីហនុ​ ខេត្តព្រះសីហនុ។

ល្ងាចថ្ងៃទី១៤​ ខែកក្កដា​ ឆ្នាំ២០២២​ លោក សេង នីម ចៅសង្កាត់លេខ៤ ក្រុងព្រះសីហនុ​ បានដឹកនាំសហការី ចុះប្រមូលសំរាមចេញពីគម្របលូ និងតាមដងផ្លូវសាធារណៈ ដើម្បីបើកផ្លូវទឹកឱ្យហូរបានលឿន​ បញ្ចៀសការលិចផ្លូវ និងផ្ទះប្រជាពលរដ្ឋ​។

នៅល្ងាច​ថ្ងៃទី​១៤​ ខែកក្កដា​ ឆ្នាំ​២០២២​ ឯកឧត្ដម​ គួច​ ចំរើន​ អភិបាល នៃគណៈអភិបាលខេត្តព្រះសីហនុ​ បានអញ្ជេីញ​គោរព​វិញ្ញាណក្ខន្ធសព ឧបាសក​ សំ​ ស្រ៊ាង​ ដែលត្រូវជាឪពុកក្មេក​របស់​លោកស្រី​ នួន​ សុភាព​ នាយិកាទីចាត់ការហរិញ្ញវត្ថុ សាលាខេត្តព្រះសីហនុ​ នៅគេហដ្ឋាន នៃសព។ ក្នុងឱកាសនោះ ឯកឧត្តមអភិបាលខេត្ត បានសម្តែងនូវសមានទុក្ខដ៏ក្រៀមក្រំជូនចំពោះគ្រួសារសព និងសូមឧទ្ទិសបួងសួងដល់ដួងវិញ្ញាណក្ខន្ធសព ឧបាសក​ សំ​ ស្រ៊ាង​ បានទៅសោយសុខក្នុងសុខគតិភពកុំបីឃ្លៀងឃ្លាតឡើយ។

ព្រឹកថ្ងៃទី១៤ ខែកក្កដា ឆ្នាំ២០២២ ឯកឧត្តម ម៉ាង ស៊ីណេត អភិបាលរងខេត្តព្រះសីហនុ បានចូលរួមពិធីបើកសិក្ខាសាលាស្ដីពី «តម្រូវការទីផ្សារការងារក្នុងយុគសម័យ IR4.0 រវាងតំណាងវិស័យឯកជន និងគ្រូបង្រៀនអប់រំបច្ចេកទេសនៅក្នុងតំបន់អាស៊ាន» ដែលរៀបចំដោយក្រសួងអប់រំ យុវជន និងកីឡា និងជាតំណាងជាតិសម្រាប់សហគមន៍សង្គម-វប្បធម៌អាស៊ានបានធ្វើជាម្ចាស់ផ្ទះ មានរយៈពេល ២ ថ្ងៃ ចាប់ពីថ្ងៃទី១៤-១៥ ខែកក្កដា ឆ្នាំ២០២២

ព្រឹកថ្ងៃទី១៤ ខែកក្កដា ឆ្នាំ២០២២ លោក លៀម សុដា អភិបាលរងខេត្តព្រះសីហនុ បានអញ្ជើញជាអធិបតីក្នុងពិធីប្រជុំបិទផ្សាយជាសាធារណៈនូវឯកសារនៃការវិនិច្ឆ័យសម្រាប់ការចុះបញ្ជីដីធ្លីមានលក្ខណៈជាប្រព័ន្ធនៅភូមិបឹងជុំ និងភូមិភ្នំតូច ឃុំបឹងតាព្រហ្ម ស្រុកព្រៃនប់ ខេត្តព្រះសីហនុ។